Este curso comezaremos por coñecer qué é un Programa de Cualificación Profesional Inicial:qué obxectivos pretende, qué módulos comprende,...
Este curso comezaremos por coñecer qué é un Programa de Cualificación Profesional Inicial:qué obxectivos pretende, qué módulos comprende, o seu horario, etc.
. Lexislación
Os programas de cualificación profesional inicial terán unha estrutura modular e incluirán os seguintes tipos de módulos:
a) Módulos obrigatorios. teñen por obxecto cualificar o alumnado destas ensinanzas para o desempeño da actividade profesional correspondente e o acceso aos ciclos formativos de grao medio. Os módulos obrigatorios serán de dous tipos:
– Módulos específicos profesionais, que son módulos profesionais dirixidos a que o alumnado adquira e desenvolva as competencias profesionais establecidas nas unidades de competencia incluídas no perfil profesional do programa.
– Módulos formativos de carácter xeral, orientados ao desenvolvemento das competencias básicas que posibiliten cursar con éxito un ciclo formativo de grao medio.
b) Módulos voluntarios, que son módulos formativos que teñen por obxecto complementar a formación necesaria para a obtención do título de graduado en educación secundaria obrigatoria.
c) Todos os programas de cualificación profesional inicial incluirán un módulo profesional de formación en centros de traballo, que terá unha duración mínima de 160 horas.
Os currículos dos módulos profesionais dos respectivos perfís profesionais que se establezan desenvolveranse por medio de resolución da Dirección Xeral de Educación, Formación Profesional e Innovación Educativa, e deberán indicar:
a) Identificación do perfil profesional.
b) Competencia xeral.
c) Competencias profesionais, persoais e sociais.
d) Cualificacións e unidades de competencia do Catálogo nacional de cualificacións profesionais incluídas.
e) Contorno profesional.
f) Resultados de aprendizaxe, criterios de avaliación, contidos, orientacións pedagóxicas e carga horaria para cada un dos módulos profesionais.
A carga horaria prevista para a totalidade dos módulos profesionais, incluído o de formación en centros de traballo, será, como mínimo, de 580 horas.
- Módulos formativos de carácter xeral.
1. Os módulos formativos de carácter xeral serán impartidos nos dous cursos académicos de que consta o programa e organizaranse en tres ámbitos de coñecemento, coa correspondencia que se establece no anexo III desta orde: ámbitode comunicación, ámbito social e ámbito científico-tecnolóxico.
2. Os módulos formativos de carácter xeral do primeiro curso teñen por obxecto contribuír ao desenvolvemento das competencias básicas e favorecer a transición desde o sistema educativo ao mundo laboral. Son os seguintes:
a) Módulo de competencia comunicativa e dixital I: contribúe a desenvolver o hábito de lectura e a comprensión e expresión oral e escrita nas linguas galega e castelá, así como as capacidades de procura e tratamento da información, mediante o emprego das tecnoloxías da información e da comunicación.
b) Módulo de sociedade e cidadanía I: contribúe ao coñecemento do mundo actual, da sociedade e da súa organización, así como dos dereitos e dos deberes da cidadanía.
c) Módulo científico-matemático I: contribúe á interpretación da realidade mediante a identificación e a resolución de problemas habituais na interacción co contorno.
d) Módulo de iniciativa persoal e relacións laborais: contribúe ao desenvolvemento da autonomía persoal, o coñecemento dos dereitos e as obrigas das relacións laborais, a hixiene e a prevención de riscos, así como ao fomento do espírito emprendedor e da necesidade de aprender ao longo da vida.
Distribución horaria
Distribución horaria semanal dos módulos no réxime ordinario o primeiro curso:
- 1.º Competencia comunicativa e dixital I. 4 h
- 1.º Sociedade e cidadanía I. 3h
- 1.º Científico-matemático I. 4h
- 1.º Iniciativa persoal e relacións laborais. 2h
- 1.º titoría e orientación. 1h
- 1.º Formación en centros de traballo. -h
Iniciativa persoal e relacións laborais.
Obxectivos
● Desenvolver as capacidades persoais que faciliten planificar un proxecto persoal e profesional.
● Desenvolver actitudes, hábitos e estratexias que faciliten a procura dun emprego acorde coas aptitudes e cos intereses propios.
● Valorar a necesidade da motivación, da autoestima e da formación ao longo de toda a vida.
● Coñecer as opcións de orientación do mundo laboral, as fontes de emprego e as súas condicións.
● Coñecer as características do mundo laboral, asumindo as
condicións da vida activa e a relación entre a formación e os requisitos profesionais.
● Coñecer o marco legal que regula as relacións laborais.
● Coñecer e valorar os hábitos de seguridade e hixiene no traballo, e asumir a responsabilidade persoal.
● Tomar conciencia da importancia dunha cultura emprendedora.
Contidos
● Proxecto persoal e profesional. Significado e valor do traballo.
● Hábitos e actitudes responsables no posto de traballo: traballo ben feito, colaboración e esforzo persoal, e planificación de tarefas.
● Formación ao longo da vida.
● Procura activa de emprego:
– Fontes de orientación e información.
– Currículo e carta de presentación.
– Entrevista de traballo.
● Relacións laborais:
– Contrato de traballo.
– Recibo de salario.
– Ordenación do tempo de traballo.
– Clasificación profesional.
– Principais vicisitudes do contrato.
● Prevención de riscos laborais.
● Cultura emprendedora. traballo autónomo. Cooperativas de traballo asociado.
